Uuuhh....bíddu...??!!

Áttu ekki ALLAR lánalínur að lokast þegar Íslendingar börðust gegn því að láta Breta og Hollendinga kúga sig í samstarfi við okkar handónýtu ríkisstjórn??

Það er bara ekkert að skila sér af öllum þessum hræðsluáróðri frekar en í fyrra....

Voru JÁ sinnar bara að ljúga??....  

Fyrir nokkrum dögum var svar mitt NEI við að knésetja Íslenska þjóð....

Í dag er svar mitt JÁ við því hvort Ríkisstjórnin skuli BURT!! (Reyndar hefur verið JÁ í þessum samhengi alla tíð)

 

 


mbl.is Svíar vilja framlengja lán til Íslands
Tilkynna um óviðeigandi tengingu við frétt

BURT BURT BURT!!!

Ég segi það sama...LOKSINS!!! 

Ég vona það svo innilega fyrir hönd Íslands að núverandi ríkisstjórn segi af sér, því það er löngu orðið ljóst að þetta fólk er EKKI að hugsa um hag almennings í landinu. Það er EKKERT gert fyrir skattgreiðendur annað en að hækka ALLA skatta og öll gjöld sem hægt er að hækka. Maður með blæðandi sár læknast ekki við það að fá fleiri blæðandi sár, það segir sig sjálft.

Það sem þarf að gera er að leiðrétta það misrétti sem hefur átt sér stað í þjóðfélaginu hvað varðar eignaupptöku fjármálageirans á eignum almennings. Það þarf að lækka skatta og greiða fyrir fjölgun starfa á landsvísu. 

Að lækka skatta og minnka samfara því atvinnuleysið er leiðin útúr þessum hremmingum, skattahækkanir skapa ekkert annað en aukið glæpsamlegt athæfi í þjóðfélaginu ásamt því að auka atvinnuleysið. 

mbl.is Loksins, loksins
Tilkynna um óviðeigandi tengingu við frétt

Vekur upp bernskuminningar ;-)

Það verður nú að segjast eins og er að þetta er einhver versti viðbjóður sem ég hef kynnst í gegnum ævina. Mér er mjög minnistætt en þann dag í dag þegar pabbi ákvað að prófa surströmming svona í ljósi þess að þetta væri eitthvað sérsænskt..en fjölskyldan var þá ný flutt til Svíþjóðar. Ég var 7 ára gamall þegar pabbi kom heim með eina svona dollu og lagði dósaopnarann að dollunni...og um leið og hann stakk gat í dolluna sprakk hún og sprautaðist úr henni um allt eldhúsið...sem betur fer var nú hurðin úr eldhúsinu og útí garð opinn því dósin fékk að fljúga þar út á ljóshraða...lyktin var svo ógeðsleg að þetta er eitthvað það alversta sem ég hef nokkurn tímann komist í tæri við á 38 ára ævi minni og hef ég komist í tæri við ýmsan viðbjóð bæði eitrað og saklaust...

Þegar pabbi ákvað að prófa þetta eftir að hafa heyrt talað um þennan óþverra að þá láðist að segja honum að til að hægt sé að opna dós án þess að eyðileggja allt sem þetta kemur nálægt er að opna dósina undir vatni....En þetta er minning og fyndin slík sem lifir með manni til enda ;-)


mbl.is Svíar fá að verka surströmming áfram
Tilkynna um óviðeigandi tengingu við frétt

Skammastu þín Landráðamaður!!

NEI Steingrímur. Þú átt að skammast þín fyrir siðleysi sem þú hefur sýnt í gegnum árin sem þingmaður og ætti að lögsækja þig fyrir öll þau loforð sem þú hefur svikið síðan þú settist í þennan stól sem þú vermir í dag.

Þetta á við um ALLA siðlausu starfsbræður þína hver svo sem flokkur þeirra er.

En að þú skulir voga þér að biðja fólk um að vera samsekt þér í því að gera almenning í landinu ábyrgan fyrir skuldum þeim sem stofnað var til af örfáum einstaklingum og láta þá einstaklinga svo endalaust hafa afskriftir sýnir hvað þú ert forhertur glæpamaður sjálfur.

Í síðustu ICESAVE kosningum sast þú heima á rassgatinu og sveikst landsmenn og biður svo landsmenn um að fara með þér í þessi svik í þetta sinn.

Þú ert BÚINN sem stjórnmálamaður og svíkur flokksmenn þína og samlanda á ekki minni siðlausan hátt heldur en glæpamennirnir sem þú og þínir samstarfsmenn ætlið að setja landmenn í ábyrgð fyrir.

 


mbl.is Hvetja félagsmenn til að kjósa já
Tilkynna um óviðeigandi tengingu við frétt

Samráðið en að funda?

Þegar öll stóru félögin hækka sama dag um sömu krónu tölu getur maður ekki annað en velt því fyrir sér hvort ekki sé kominn tími á það aftur að rannsaka þessi félög á ný. En það er svosem ekki við því að búast að Ríkisvaldið geri neitt í þessu frekar en öðru sem snýr að almenningi í landinu. Það er jú meira sem ríkið fær í sinn vasa fyrir hverja hækkun sem olíufélögin leggja á "djúsinn" .....
mbl.is Eldsneytisverð hækkar
Tilkynna um óviðeigandi tengingu við frétt

Flottræfilsháttur og heimska!!

Ef ég man rétt að þá var talað um að heildarkostnaður þessarar forljótu byggingar yrði 10 milljarðar, ég sagði við fólkið sem var í kringum mig að þetta myndi aldrei standast...þessi upphæð á eftir að tvöfaldast eða jafnvel þrefaldast. Ég vildi að ég hefði haft rangt fyrir mér.

Ég botna ekki í því að ráðist hafi verið í þessa framkvæmd upphaflega yfir höfuð. Þessi bygging verður að mér finnst lýti á umhverfinu þarna, tilgangslaus með öllu og ekki á neinn hátt hægt að réttlæta það að það hafi verið ráðist í allan þennan kostnað. Reksturinn sem á að vera þarna mun aldrei standa undir sér og verður því enn eitt helvítis fjármálasukkið sem almenningur þarf að bera allan kostnað af. 


mbl.is Átti við um kostnað frá gjaldþrotinu
Tilkynna um óviðeigandi tengingu við frétt

Vegagerðin ekki að standa sig eins og svo oft áður...

Var þarna í gærkveldi og keyri ég Holtavörðuheiðina 10 sinnum á viku, maður er vel vanur bæði þoku og allskonar skyggni þarna en ég hef ekki þurft að hægja á mér niðrí 50 - 60 km hraða þarna vegna skyggnis í marga mánuði....Þetta er alveg hreint með ólíkindum að það skuli ekki vera málaðar línur á þetta eins fljótt og hægt er eftir að búið er að leggja yfir vegin, ef það hefði verið gert að þá hefði ekki verið neitt vandamál að keyra þarna, ég mætti þarna jeppa með hjólhýsi sem hafði ekki hugmynd um hvar á veginum hann var og kom hann vel inná mínum vegarhelmingi þegar ég sá hann...ég lenti utanvið bundna slitlagið við það að víkja svo að helvítið myndi ekki keyra á mig og rétt oltinn útaf, þetta var BARA útaf línuleysi á þjóðveginum.

Tekið skal fram að ég er flutningabílstjóri og keyri 150.000 - 200.000 kílómetra á ári og upplifi því ýmislegt á þessum blessuðu skóreimum sem kallaðar eru vegir hér á landi.

Vegagerðin er versti óvinur þeirra sem keyra um vegina í raun og veru, því ég hef aldrei vitaða aðra eins hræsni hjá einum aðila að segjast vera vinna í því að auka öryggi fólks á þjóðvegum með hinum og þessum varúðar ráðstöfunum og leyfa svo lausagöngu búfjár allsstaðar í kringum þessa vegi með því að segja leyfa meina ég einfaldlega vegna þess að það ætti að girða meðfram vegunum á þessum stöðum þar sem lausagangan er vandamál eins og t.d. á Holtavörðuheiðinni.

En tillaga mín til að leysa þetta vandamál að einhverju leiti er sú að gera eiganda dýrsins algjörlega ábyrgann fyrir þeim tjónum sem það veldur við það að ekið sé á það, þetta myndi að öllum líkindum gera það að verkum að þessir viðkomandi eigendur myndu aðeins hugsa sinn gang og reyna að halda þessum skepnum innan girðingar í staðinn fyrir að lenda í því að vera ábyrgir fyrir tjónum sem gætu numið milljónum og jafnvel óbætanlegum missi þar sem mætti rekja dauðsfall til lausagöngunnar.

Vissulega er ég kominn örlítið útfyrir upphaflegt umræðuefni þó svo að það tengist að einhverju leiti.

En ég hef MJÖG ákveðnar skoðanir á Vegagerðinni og þeirri heimsku sem á sér stað innan þeirrar stofnunar sökum kunnáttuleysis og vanþekkingar stjórnenda sem hreinlega hafa ekki hugmynd um hvað þeir eru að sýsla. Því miður er sama vandamál þarna eins og á svo mörgum öðrum stöðum í atvinnulífinu að stjórnendur eru svo fjarlægir raunverulegri tengingu við það sem þeir eru að vinna við og stjórna að það ætti að annað hvort reka þessa aðila úr starfi sökum vanþekkingar eðe hreinlega skipa þessum aðilum til að skoða vegakerfið með augum FAGFÓLKS. Tökum sem dæmi hvað mig varðar og flestra atvinnubílstjóra sem keyra langar leiðir og það jafnvel daglega að maður þekkir vegina algjörlega og veit hvar eru hættur og skemmdir sem Jón Jónsson hefur ekki hugmynd um og geta jafnvel valdið slysum eða einhverju enn verra.

Mér fyndist sem dæmi ekki vitlaust að skipa þessum stjórnendum að fara með í flutningabíl sem farþegi til að sitja hærra og sjá vegina betur og þá fá þetta svart á hvítu hvað það er sem þeir eru að bjóða landanum uppá í staðinn fyrir að þessir þorskhausar sitji í sínum vel upplýstu skrifstofum og henda peningum okkar í hina og þessa vitleysu sem oft á tíðum stjórnast af eiginhagsmunasemi og eigin hentusemi.

Það þarf að taka á þessari spillingu sem er ALLSTAÐAR í þjóðfélaginu og ég verð sannfærðari með hverjum deginum að sú spilling er VERST í öllum ríkisrekstri og stjórnendum þeirra sökum þess að það er ENDALUST vinapot í gangi þarna.

Jæja læt þetta duga.....ágætt að pústa aðeins og koma frá sér sínum skoðunum :)


mbl.is Varasamir vegarkaflar á Holtavörðuheiði
Tilkynna um óviðeigandi tengingu við frétt

Þetta er það sem mun drepa þjóðina

Þetta er akkúrat það sem mun drepa Íslensku þjóðina, þessar endalausu neikvæðu fréttir. Eru fjölmiðlar virkilega svona illa upplýstir að vita ekki ennþá að þær fréttir sem frá þeim berast hafa svo mikil áhrif og séu þessar fréttir endalaust neikvæðar að þá mun það skila sér útí efnahagslífið. Allt mun ske hraðar og jafnvel það hratt að ekkert er hægt að gera.

Svo að heyra þessa sprenglærðu spekúlanta frá Háskóla Íslands, dósenta, prófessora og hvað það nú heitir allt saman endalaust segja að þetta sé allt að fara til helvítis. Eru þessir menn virkilega það heimskir að þeir skilja ekki hvaða afleiðingar svona blaður hefur útí samfélagið? Íslenskir fjölmiðlar og það fræðifólk sem stendur hvað mest í þessu neikvæða kjaftæði sem endalaust herjar á þjóðinni eiga stórann þátt í því ef svo allt fer á versta veg.

Það er kominn tími til að þessir fjölmiðlar sem eru sterkasta röddin í samfélaginu fari aðeins að skoða sinn gang og fylgist svolítið með því hvernig frétt frá þeim geta lamað allt þjóðfélagið.

Þetta er ekki allt dauði og djöfull, vissulega eru dökkir tímar þessa stundina, en hvernig getur maður ætlast til þess að eitthvað skáni þegar allir eru svartsýnir. Tekið skal fram að ég er einn af þeim sem eru með lán sem fara síhækkandi og er því í sömu stöðu og mjög margir íslendingar í dag.

Það þurfa allir að breyta hugarfarinu, því heimurinn lokar á okkur ef þeir fá ekkert nema neikvæðar fréttir. Þetta er í raun svona einfalt.

 


mbl.is Veislan búin á Íslandi
Tilkynna um óviðeigandi tengingu við frétt

Stelpurnar eru frábærar :)

Vil byrja á því að óska stelpunum okkar til hamingju með þennan glæsilega sigur :)

Ég mætti á leikinn en missti af fyrstu 15 mínútunum og þar af leiðandi fyrsta markinu í þrennunni hjá Margréti Láru, en það er glæsilegt að sjá hvað stelpurnar okkar eru góðar og ætti karlalandsliðið að taka þær sér til fyrirmyndar. Vona bara að allt gangi upp hjá þeim í næsta leik og verði fyrsta lið okkar Íslendinga í knattspyrnu sem komast áfram á stórmót, en það væri í raun mátulegt á karlaliðið ;)

Það er líka gaman að sjá að áhuginn hjá fólki er að aukast og mæting á völlinn fer batnandi. En það þarf klárlega að sýna stelpunum meiri stuðning og hvet ég því alla sem mögulega geta að mæta á völlinn hjá þeim á fimmtudaginn og hvetja þær til sigurs á móti Grikkjum.

Koma svo stelpur :)


mbl.is Ísland vann stórsigur á Slóveníu
Tilkynna um óviðeigandi tengingu við frétt

Ekki líst mér á þetta...

Verð að segja fyrir mitt leiti að rafmagnsbíll verður aldrei raunhæfur kostur á móti bensín eða díselbílum í dag nema þá helst sem snattarar. Ástæðan er einfaldlega sú að það tekur alltof langan tíma að hlaða þá eftir að hleðslan er farin að slappast og jafnvel búin og því ekki hægt að nota sem ferða bíla. T.d. ef maður ætlar frá Reykjavík til Akureyrar á Rafmagnsbíl, þessi leið eru tæpir 400 kílómetrar og þarf því tvær til þrjár fullar hleðslur á langdrægasta rafmagnsbíl sem er í boði í dag, það tekur að mig minnir 4 ö 6 klukkustundir að hlaða geymanna í hvert skipti, fæ ég því ekki séð annað en að það myndir taka 2 - 3 daga að komast á áfangastað.

Svo má nú ekki gleyma því að rafgeymar sem notaðir eru í rafmagnbíla eru ALLT annað en umhverfisvæn, þar eru þungamálmar á ferð.

Raunhæfasti og gáfulegasti kosturinn í eldsneytisvanda heimsins er að búa til eldsneyti sem hægt er að nota á þau farar sem þegar eru til í heiminum án þess að þurfa að gera miklar og dýrar breytingar, þetta þá í ljósi þess að óhugnanlega miklum verðmætum verður hent fyrir bí. Þar erum við að ræða um ALLANN ökutækjaflota flugflota og skipaflota heimsins.

Það er alla veganna nokkuð ljóst að það er mikið um að hugsa í þessu samhengi. En klárlega þar eitthvað að gera, það er ekki spurning.

En svo er aftur á móti spurning hvort að ekki sé á einhvern hátt hægt að sporna við þessari spá kaupmennsku sem er í kringum olíuna sem er í raun AÐALvaldur þessara gífurlega miklu hækkana.

Spurning um að fólk hysji upp um sig og hætti þessu nöldri um hækkanir á eldsneyti og flestu öðru í heiminum og reyni eitthvað að gera í þessu, með t.d. mótmælum. Þá er ég líka að tala um allt fólk í heiminum. Því þetta er heimshagsmunamál en ekki bara landlægt. OG ALLS ekki bara tengt vörubílabransanum eins og margt fólk virðist vera svo vitlaust að halda.

En það má margt segja og ég kominn heldur langt út fyrir efnið, en vonandi opnar huga fólks og fær það aðeins til að pæla meira í þessum málum.

Munum eftir mótorhjólafólki í umferðinni Wink

 


mbl.is Toyota boðar bíl sem stinga má í samband
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband